Kənd bəyi kimi

Diyeqonun toy günü əsl fəlakətlə nəticələnir: gəlin onu düz mehrabın önündə tərk edir. Ağır zərbədən sonra dərin sarsıntı keçirən gənc oğlan kədərə qərq olur. Qohumlarının bu vəziyyətdə qalmasına dözməyən əmisi oğulları Xulian və Migel onu ovundurmaq üçün sahil şəhərinə aparmaq qərarına gəlirlər.

Üçlük vaxtilə gənclik illərinin ən gözəl yay tətillərini keçirdikləri Puerto-Valyarta şəhərinə yola düşür. Məqsəd Diyeqonun fikrini dağıtmaq olsa da, səfər gözlənilməz qarşılaşma ilə yadda qalır. O, burada yeniyetməlik dövründə sevdiyi ilk məhəbbəti Martina ilə üz-üzə gəlir.

«Como Novio de Pueblo» adlı Meksika komediyası 2019-cu ildə işıq üzü görüb. Ekran əsərinin rejissoru Co Rendondur. Filmin əsas rollarını Xose Maria de Tavira, Martin Altomaro, Rikardo Polanko və Rexina Bandon canlandırıblar.