Ofis işçilərinin qiyamı

Babasının infarkt keçirməsindən sonra Ömər ailənin dolanışığını və tibbi xərclərini ödəmək məqsədilə Mexikodakı İT şirkətlərindən birində çalışmağa başlayır. Gənc oğlan tez bir zamanda iş mühitinə uyğunlaşır və tapşırıqları yüksək səviyyədə yerinə yetirməyi bacarır.

Kollektiv arasında tezliklə səmimi dostlar tapan Ömər ofis həyatının xoş tərəfləri ilə tanış olur. Lakin çox keçmədən işçilər hakimiyyət hərisi olan və vəzifələrini qorumaq üçün hər cür addıma əl atan yerli menecerlərin təzyiqi ilə üzləşirlər. Nəticədə komanda rəhbərliyə qarşı çətin bir mübarizəyə qoşulmalı olur.

2020-ci il istehsalı olan «Rebelión de los Godínez» adlı komediya filminin rejissoru Karlos Morettdir. Ekran əsərinin baş rollarını Qustavo Egelxaf, Alexandro Suares, Barbara de Rexil və Maurisio Arquelles canlandırıblar.