Ev dustaqlığı

Karan cəmiyyətdən uzaqlaşaraq özünü tamamilə təcrid etmək qərarına gəlir. O, bir neçə aydır ki, rahat mənzilinin qapısından çölə addım belə atmır və tənha həyat sürür.

Lakin gözlənilməz qonaqlar onun bu sakitliyini alt-üst edir. Əvvəlcə kriminal nüfuz sahibinin qızı Pinki peyda olaraq evdə saxlamaq üçün böyük və şübhəli bir çamadan qoyub gedir. Çox keçmədən ev dustaqları haqqında məqalə hazırlayan jurnalist Sayra qapını döyür. Beləliklə, dörd divar arasına qapanan qəhrəmanın məkanı qarışıqlıq mərkəzinə çevrilir.

2019-cu ildə Hindistanda çəkilmiş «House Arrest» komediya və melodram janrlarını birləşdirir. Ekran əsərinin rejissorları Samit Basu və Şaşanka Qhoşdur, baş rollarda isə Əli Fazal, Şriya Pilqaonkar, Cim Sarbh və Barkha Sinqh çəkiliblər.