Mohanlal

Minakşi məşhur kino ulduzu Mohanlalın debüt filminin nümayiş olunduğu gün dünyaya göz açır. Bu təsadüf onun gələcək maraqlarını tamamilə formalaşdırır və qız böyüdükcə kumirinin ən qatı pərəstişkarına çevrilir.

Uşaqlıq dostu Setumadhavanla ailə qurduqdan sonra da bu çılğın pərəstişkarlıq səngimir. Minu ərinin də eynilə sevimli aktyorunun canlandırdığı qəhrəmanlar kimi davranmasını tələb edir. Yaranan bu qəribə tələblər ailə həyatında ciddi narazılıqlara yol açır və ər münasibətləri qorumaq üçün yollar axtarır.

2018-ci ildə ekranlara çıxan «Mohanlal» adlı Hindistan komediyasının rejissoru Sajid Yahiyadır. Ekran əsərində əsas rolları Manju Warrier, Indrajith, Soubin Shahir və Shebin Benson canlandırıblar.