23:59: Ruhlar saatı

Sinqapurun hərbi hissələrindən birində müxtəlif dövrlərdə qeyri-adi hadisələr baş verir. «23:59: The Haunting Hour» filmi əsgərlərin fərqli illərdə qarşılaşdığı üç qorxulu rəvayəti bir araya gətirir. İlk hadisə 1967-ci ildə xidmətdən qaçaraq cəngəllikdə lənətlənmiş bir kəndə rast gələn üç çağırışçının başına gələnlərdən bəhs edir.

İkinci əhvalat 1985-ci ildə xüsusi təyinatlıların öldürülmüş nəhəng pitonun qisasçı ruhu ilə üz-üzə gəlməsini göstərir. Müasir dövrdə cərəyan edən sonuncu süjetdə isə cəmiyyətə uyğunlaşmaqda çətinlik çəkən bir əsgər yoldaşlarına sevgilisinin olduğunu sübut etmək üçün saxta sosial şəbəkə hesabı açır. Lakin həmin profilə daxil olan bəd qüvvə öz «sevgilisi» və onun dostları ilə yaxından tanış olmaq istəyir.

Qorxu və komediya janrlarını birləşdirən filmin rejissoru Qilbert Çandır. Sinqapur istehsalı olan layihədə əsas rolları Riçi Ko, Mark Li, Van Ley və Melodi Lou canlandırıb. Ekran əsəri 2018-ci ildə işıq üzü görüb.