Çimərlikçilər

Dörd iş yoldaşı uzun bayram tətilini ailələri ilə birgə dəniz kənarında keçirməyə qərar verir. Aleşandri, Lima, Roşa və Diqinyu sahilboyu bir ev icarəyə götürərək yola düşürlər. Lakin dənizə çatmaq asan olmur: tıxaclar saatlarla uzanır, dolu maşınlarda səyahət isə hamı üçün böyük sınağa çevrilir.

Ünvana çatdıqda vəziyyət daha da pisləşir. İcarələnmiş evin təmirsiz və qəzalı vəziyyətdə olduğu üzə çıxır, çimərlik insanla doludur və heç bir şərait vədlərə uyğun gəlmir. Üstəlik, Aleşandri yaxın vaxtlarda vəzifəcə yüksəlib və indi digər üç həmkarından birini işdən çıxarmaq məcburiyyətindədir, bu sirr isə tətili daha da gərginləşdirir.

«Os Farofeiros» komediya filmi braziliyalı rejissor Roberto Santuççi tərəfindən lentə alınıb və 2018-ci ildə nümayiş etdirilib. Əsas rolları Antonio Fraqoso, Daniella Vinits, Maurisio Manfrini və Kakau Protazio canlandırıb.