Realiti-şou

Varlı ailənin övladı olan Kamilo xalq mahnıları ifaçısı kimi məşhurlaşmaq arzusundadır. Şöhrət qazanmaq üçün o, televiziya müsabiqəsinə qatılmaq qərarına gəlir. Səsinin qələbə üçün yetərli olmayacağından ehtiyatlanan gənc münsiflərin rəğbətini qazanmaq üçün yalan uydurur və özünü yoxsul, görmə əngəlli biri kimi qələmə verir.

Uydurduğu hekayənin inandırıcı görünməsi üçün Kamilo doğmalarından gizlin şəkildə Kuka adlı kasıb ailəni pulla kirayələyir. Həmin ailə televiziya kameraları qarşısında onun həqiqi qohumları rolunu oynamağa razılaşır. «Realiti-şou» komediyasının qəhrəmanı bu saxtakarlığı ifşa olunmadan davam etdirməyə çalışır.

Kolumbiya istehsalı olan «Realiti-şou» filmi 2018-ci ildə rejissor Rodriqo Triana tərəfindən çəkilib. Əsas rolları Veronika Orosko, Alexandro Qonsales, Luis Eduardo Aranqo və Xorxe Enrike Abelyo ifa ediblər.