Gözəl an

Varlı və sərbəst həyat tərzinə öyrəşmiş subay Lyan Xuaşen gənc Çun Kayanla tanış olanda planları tamamilə dəyişir. Qıza qarşı gözlənilmədən yaranan güclü sevgi hissi bu qatı subayın evlilik təklifi etməsi ilə nəticələnir.

Gələcək həyat yoldaşının ailəsi ilə görüş isə Xuaşen üçün qəfil sürprizə çevrilir. Məlum olur ki, gəlinin anası olan psixoterapevt Çun Kapo onun gənclik illərindəki ilk məhəbbətidir. Vəziyyəti çətinləşdirməmək naminə köhnə sevgililər keçmiş münasibətlərini gizlətmək qərarına gəlsələr də, toy günü yaxınlaşdıqca keçmiş duyğular yenidən oyanır.

«Wo de qing di nu xu» adlı romantik komediyanı rejissor Patrik Kun ərsəyə gətirib. 2018-ci il istehsalı olan bu Honkonq filmində əsas rolları Saymon Yam, Karina Lau, Mişel Vay və İvana Von canlandırıb.