Yaxşı ruhlar oteli

Uşaq evində böyüyən otuz yaşlı Keyti hər şeyə öz zəhməti ilə nail olub. O, mehmanxana idarə etsə də, rəfiqəsinin xəyanəti ucbatından eyni vaxtda həm işini, həm də sevgilisini itirir. Qəfil düşən meteorit qəlpəsinin zərbəsindən sonra isə qadının gözünə üç ruh görünməyə başlayır və bu hadisə onun gələcəyini büsbütün dəyişir.

Yeni qabiliyyəti sayəsində Keyti özünə yeni bir həyat yolu seçir. O, xüsusi tematik otel açaraq vaxtilə dünyasını dəyişmiş bu üç kabusun arzularını yerinə yetirməyə çalışır. Qəhrəmanın əsas məqsədi narahat ruhların bu dünyadakı istəklərini gerçəkləşdirib onların rahatlıq tapmasına yardım etməkdir.

«Jyu wong cong dou zeng» («Yaxşı ruhlar oteli») 2018-ci ildə Honq-Konqda çəkilmiş komediya, melodram və qorxu filmidir. Ekran əsərinin quruluşçu rejissoru Yan Pak-Vindir. Baş rolları Krissi Çau, Luis Çxon, Erik Kot və Meqqi Siu canlandırıb.