Daha bərk! Orada nə oxuduğunu eşitmirəm!

Rok ifaçısı Şin inanılmaz dərəcədə güclü səsi və dörd oktavalı diapazonu ilə pərəstişkarlarını heyran qoyur. Lakin bu bacarıq təbii istedadın deyil, səs tellərinə təsir edən qeyri-adi dopinqin nəticəsidir. Müğənni illərdir bu sirri hamıdan gizli saxlayaraq səhnədə çıxış edir.

Zaman keçdikcə qəbul edilən maddələrin əks təsirləri özünü göstərməyə başlayır və musiqiçinin səsi tamamilə batmaq təhlükəsi ilə üzləşir. Belə bir çətin dövrdə o, küçələrdə mahnı oxuyan Fuuka adlı gənc qızla tanış olur. Yeni tanışının ifası isə Şinin vərdiş etdiyi baqırtıdan fərqli olaraq olduqca sakit və zəif eşidilir.

«Onryô o agero tako! Nani utatten no ka zenzen wakannê n da yo!!» adlı musiqili komediya filmi 2018-ci ildə Yaponiyada rejissor Satoşi Miki tərəfindən çəkilib. Baş rolları Sadao Abe, Riho Yoşioka, Kumiko Aso və Yudai Çiba canlandırıblar.