Şvarts sülaləsi

Anna atasının son vəsiyyətini yerinə yetirmək və onun nəşini Müqəddəs Torpaqda dəfn etmək məqsədilə İsrailə yollanır. Lakin gənc qadın yerli qaydalar qarşısında çıxılmaz vəziyyətə düşür. Anası rus olduğu üçün dini qanunlara görə Anna yəhudi sayılmır, atasının külü isə onun mənşəyini sübut etmək üçün yetərli sənəd hesab edilmir.

Məsələni həll etmək üçün şahid lazımdır, lakin qızın əmisi dini şuranın qarşısına çıxa bilmir, çünki o, qeyri-koşer ət dükanına sahibdir. Yeni mühitdə təkbaşına qalan Anna isə pul qazanmaq üçün hər cür işə əl atır, qumar oynayır və rəssamlara naturaçı kimi pozalar verir.

«Shoshelet Schwartz» komediya filmi 2005-ci ildə İsraildə istehsal olunub. Ekran əsərinin quruluşçu rejissorları Amir Asfari və Şmuel Asfaridir. Əsas obrazları Miriam Zohar, Tal Fridman, Yehuda Levi və Assaf Aştar canlandırıblar.