Mərkəzi həbsxanaya xoş gəlmisiniz

Unnikuttanın valideynləri ömürlük cəza çəkdiyi üçün onun uşaqlıq illəri birbaşa cəzaçəkmə müəssisəsində keçib. Həddi-buluğa çatdıqdan sonra da o, dəmir barmaqlıqlar arasını öz doğma evi sayır. Həbsxanaya mütəmadi qayıtmaq üçün gənc oğlan başqalarının xırda cinayətlərini boynuna götürərək onların əvəzinə cəza çəkir.

Radhika adlı qızla tanışlıq qəhrəmanın düşüncələrini büsbütün dəyişir. İlk dəfə azadlıqda qalmaq və dinc həyat qurmaq arzusuna düşən Unnikuttan sevgisi uğrunda addım atmağa hazırlaşır. Lakin qısa müddət sonra Radhikanın özü saxta ittihamla üzləşir və eyni müəssisəyə məhkum kimi göndərilir.

2016-cı ildə ekranlara çıxan «Welcome to Central Jail» komediya filminin rejissoru Sundardasdır. Hindistan istehsalı olan bu layihədə əsas obrazları Dilip, Vedhika, Renji Panicker və Kailash canlandırıblar.