Hər kəs kimisə sevir

Klara Barronun Los-Ancelesdə yaxşı evi, uğurlu işi və onu sevən böyük ailəsi var. Onun qaydasına sala bilmədiyi yeganə məsələ şəxsi həyatıdır. Meksikada keçiriləcək ailə toyu ərəfəsində qohumlarının suallarından qaçmaq üçün Klara iş yoldaşından bir neçə günlüyünə onun sevgilisi rolunu oynamağı xahiş edir.

Lakin şənlik zamanı gözlənilməz hadisə baş verir: ailənin sevimlisi olan keçmiş sevgilisi də toya gəlir. Klara iki yol arasında qalaraq öz hisslərini yenidən saf-çürük etmək məcburiyyətində qalır. O, keçmişə qayıtmaqla gözlənilməz yeni münasibətlərə şans vermək arasında seçim etməlidir.

«Everybody Loves Somebody» filminin rejissoru Katalina Agilar Mastrettadır. 2017-ci ildə çəkilmiş Meksika istehsalı olan bu romantik komediyada baş rolları Karla Sousa, Xose Mariya Yaspik, Ben O’Tul və Alexandro Kamaço canlandırıb.