Guest iin London

Böyük Britaniyada işləyən Aryanın iş vizasının müddəti başa çatmaq üzrədir. Ölkədən çıxarılmaq təhlükəsi ilə üzləşən gənc vətəndaşlıq almaq üçün fırıldağa əl atır. Maddi çətinlik çəkən Anaya adlı yerli xanımla saxta nikaha girən Aryan onunla eyni evdə qalmağa başlayır. «Guest iin London» filmi miqrasiya müfəttişlərini münasibətlərinin səmimiliyinə inandırmağa çalışan bu cütlüyün planından bəhs edir.

Lakin qurulan hiylə gözlənilməz qonaqların gəlişi ilə pozulur. Aryanın Hindistandan xəbərsiz gələn yaşlı qohumu Qanqaşaran həyat yoldaşı Quddi ilə birlikdə mənzilə yerləşir. Yaşlı qonaqların hərəkətləri və onların evdəki varlığı gənclərin qurduğu planı təhlükə altına salır.

2017-ci ildə çəkilmiş bu Hindistan komediyasının rejissoru Aşvani Dhirdir. Əsas rolları Kartik Aaryan, Kriti Xarbanda, Pareş Raval və Tanvi Azmi canlandırıblar.