Keeping Up with the Kandasamys

Naydu və Kandasami ailələri Durban şəhərinin hind məhəlləsində qonşu kimi ömür sürürlər. Bu evlərin xanımları Şanti ilə Cennifer hələ məktəb illərindən bir-birlərinə nifrət edir və hər məsələdə yarışırlar. Şantinin tibb tələbəsi olan oğlu Prişen ilə Cenniferin qızı Codinin bir-birini gizlicə sevdiyi üzə çıxanda qadınların arasındakı münaqişə daha da kəskinləşir.

Bir-biri ilə qohum olmaq fikri hər iki ananı dəhşətə gətirir. Övladlarının evlənməsinə mane olmaq istəyən rəqiblər aralarındakı düşmənçiliyi müvəqqəti unudaraq qüvvələrini birləşdirirlər. Onlar gənclərin münasibətlərini pozmaq üçün birlikdə müxtəlif hiylələr qurmağa başlayırlar.

Cənubi Afrika istehsalı olan bu komediya filminin rejissoru Cayan Mudlidir. 2017-ci ildə nümayiş olunan layihədə əsas rolları Mariam Bassa, Raceş Qopi, Neil Govender və Vashir Kemraj canlandırıblar.