Devi(L)

Mumbayda çalışan Krişna müasir şəhərli qızla evlənmək istəsə də, ailəsinin təkidi ilə kənddə yaşayan sakit təbiətli Devi ilə ailə qurur. Toydan sonra gənc cütlük şəhərdə geniş bir mənzil kirayələyir. Tezliklə aydın olur ki, həmin evdə vaxtilə intihar etmiş və kino ulduzu olmaq arzusu yarımçıq qalmış Rubi adlı modelin ruhu dolaşır.

Rubinin ruhu Devinin bədəninə daxil olaraq kino karyerası arzusunu gerçəkləşdirməyə çalışır. Həyat yoldaşının qəfil dəyişən qəribə davranışlarını görən Krişna qorxulu həqiqətlə üzləşir və arvadının bədəninə yad qüvvənin hakim kəsildiyini anlayır.

2016-cı ildə Hindistanda istehsal olunmuş «Devi(L)» qorxu və komediya filminin rejissoru Vicaydır. Əsas rolları Tamanna Bhatiya, Prabhudeva, Emi Cekson və Ravi Xanna canlandırıblar.