Qardaşım məni həddindən artıq çox sevir

Yuxarı sinif şagirdi Setoka Taçibana şəxsi həyatında heç cür uğur qazana bilmir. Sevdiyi oğlanlara düz on iki dəfə hisslərini etiraf etsə də, hər dəfə istehza və rədd cavabı ilə üzləşib. Belə anlarda qızın yeganə dayağı qayğıkeş böyük qardaşı Haruka olur. Lakin Haruka uzun illərdir böyük bir sirr saxlayır: əslində onlar doğma bacı və qardaş deyillər.

Setokanın ilk sevgisi Takane Serikavanın yenidən şəhərə qayıtması vəziyyəti dəyişir. Bu qayıdış Taçibana ailəsində illərdir gizlədilən sirrin üzə çıxmasına zəmin yaradır.

«Ani ni aisaresugite komattemasu» 2017-ci ildə Yaponiyada istehsal olunmuş komediya və melodram janrında olan tammetrajlı filmdir. Ekran əsərinin rejissoru Hayato Kavai, baş rol ifaçıları isə Tao Tsuchiya, Ryota Katayose, Yudai Chiba və Towa Arakidir.