Dördün dördə

Böyük bir şirkətdə şöbə müdiri işləyən Oded rəhbərliyin gözünə girmək və həmkarlarının zarafatlarından xilas olmaq üçün yalan danışmaq qərarına gəlir. O, heç vaxt ayaq basmadığı və kaysörfinqlə məşğul olmadığı halda, Sina yarımadasındakı kimsəsiz Qırmızı dəniz sahilində dalğaları fəth etdiyini iddia edir. Ekstremal istirahət həvəskarı olan milyonçu baş direktor Moti terror təhlükəsi xəbərdarlıqlarına məhəl qoymur və dörd nəfərlik heyətlə səhəri gün həmin sahilə yola düşmək qərarı verir.

Yalanının üzə çıxacağından qorxan Oded bu gedişin qarşısını hər vəchlə almağa çalışır, lakin bütün cəhdləri boşa çıxır. Sonda dörd menecer Misir sərhədini keçməli olur. Həmin andan etibarən şirkət əməkdaşlarının nəzərdə tutduğu dəniz səyahəti əsl kabusa çevrilir.

«Dördün dördə» (Arba Al Arba) komediya filmi 2016-cı ildə İsraildə lentə alınıb. Layihənin rejissoru Şay Kanotdur, əsas rolları isə Oşri Koen, Roni Dalumi, Avi Danqur və Şlomi Koriat canlandırıblar.