Karmilla

Veb-serialdakı hadisələrdən beş il ötür. Artıq adi bir insana çevrilmiş keçmiş vampir Karmilla Torontoda Lora ilə birlikdə yaşayır. Lakin qızın vampir vərdişləri yenidən baş qaldırmağa başlayanda və Loranı sevgilisinin keçmişi ilə bağlı qorxulu yuxular narahat edəndə onların sakit günləri pozulur.

Karmillanın insan qalmasını təmin edən qığılcımın söndüyü məlum olur. Qızlar bu problemi yoluna qoymaq üçün universitet dostlarını köməyə çağırırlar. Loranın yuxularının bu hadisələrlə əlaqəli olduğunu anlayan heyət sirri çözmək və dostlarını xilas etmək məqsədilə Avstriyadakı qədim malikanəyə yola düşür.

Kanada istehsalı olan «The Carmilla Movie» adlı qorxu və komediya filmi 2017-ci ildə çəkilib. Ekran əsərinin rejissoru Spenser Meybidir, baş rolları isə Eliz Bauman, Nataşa Neqovanlis, Enni Briqqs və Keytlin Aleksandr canlandırıb.