Keiji ballerino

Uşaqlıqdan bəri anasının rəhbərliyi ilə baletlə məşğul olan Kurumi Ususima əvvəlki həyatında qu quşu olduğuna inanırdı. Lakin bir polisin addımından təsirlənən gənc səhnəni tərk edərək asayiş keşikçisi olmağa qərar verir. Təcrübəsiz detektivin rəhbəri kimi isə etinasız və hər şeyə şübhə ilə yanaşan veteran Takao Vasio təyin edilir.

«Keiji ballerino» filmində bu fərqli cütlük həkimlərin müəmmalı şəkildə öldürülməsi işini araşdırmalı olur. Qətli törədənlərin hamısı hücumdan əvvəl eyni qəribə sualı təkrarlayır və qurbanlar arasında heç bir aşkar əlaqə tapılmır. İpucu əldə edə bilməyən polislər hipnoz və keçmiş həyatlara reqressiya üsulundan kömək almaq məcburiyyətində qalırlar.

Ekran əsərinin rejissoru Yukihiko Tsutsumidir. Əsas obrazları Yuto Nakajima, Masahiro Takashima, Rena Matsui və Jun Hasegawa canlandırıblar. Yapon komediyası 2016-cı ildə təqdim edilib.