Bugün parıldayırsan, Kira-kun

Yuxarı sinif şagirdi Ninon Okamura yaşıdları ilə ünsiyyətdən qaçır və yeganə dostu çiynində gəzdirdiyi tutuquşudur. Ətrafdakılar isə bu quşun adi bir müqəvva olduğunu zənn edirlər. Qızın qonşuluğunda onunla eyni sinifdə oxuyan Yuji Kira yaşayır. Yüksək boylu və yaraşıqlı olmasına baxmayaraq, Kira insanları əsassız yerə alçaltmağı sevən biridir və Ninon onunla heç vaxt danışmır.

Valideynlərinin söhbətinə təsadüfən qulaq asan Ninon kobud qonşusunun sağalmaz xəstəlikdən əziyyət çəkdiyini və cəmi bir ildən az ömrü qaldığını öyrənir. Bu xəbər qızın oğlana qarşı baxışını kökündən dəyişir. Vaxt keçdikcə gənclər arasındakı ünsiyyət Kiranın da qıza olan münasibətinə təsir göstərir.

2017-ci ildə ekranlara çıxan «Kyo no Kira-kun» filminin rejissoru Taisuke Kawamuradır. Yapon melodramında baş rolları Taishi Nakagawa, Marie Iitoyo, Shono Hayama və Rieko Miura canlandırıblar.