At Cafe 6

Yağışlı bir gecədə Lyanın avtomobili xarab olur və o, daldalanmaq üçün «Kafe №6» adlı məkana üz tutur. Qızın sevgilisi ilə dalaşdığını öyrənən kafe sahibi ona öz gənclik illərində baş vermiş hadisələri danışmağa başlayır.

Kişinin xatirələrində bir-birindən heç vaxt ayrılmayan iki yaxın dost — Quan Minlu və Syao Boçi canlanır. Minlu gizlicə Li Sinruyə, Boçi isə Kay Sinyiyə vurulur. Yeniyetmələr dərslərdən kənar vaxtlarda zarafatlaşır, dəcəllik edir və qızların diqqətini çəkməyə çalışırlar, lakin yaxınlaşan məktəb buraxılışı onların yollarını ayıra bilər.

«At Cafe 6» filmi 2016-cı ildə Tayvanda istehsal olunub. Komediya və melodram janrlarını birləşdirən ekran əsərinin quruluşçu rejissoru Nil Udur. Əsas rolları Dun Zıtszyan, Çerri Nqan, Ostin Lin və Nini Ou-Yanq canlandırıblar.