Bienvenue chez les Ch'tis

Fransanın cənubunda poçt müdiri işləyən Filipp Abrams Marsel yaxınlığındakı Kassidə vəzifə almaq üçün hər yola əl atır. Lakin xidməti qaydanı pozduğu üçün planları alt-üst olur və rəhbərlik onu cəza olaraq iki illiyinə ölkənin şimalındakı Berq şəhərciyinə göndərir.

Cənubluların təsəvvüründə şimal bölgəsi sərt şaxtaların hökm sürdüyü, qaba və anlaşılmaz ləhcə ilə danışan insanların məskənidir. Filipp ora qorxu ilə yollansa da, qısa müddətdə bu stereotiplərin puç olduğunu anlayır. Yeni iş yerində onu istiqanlı, səmimi və qonaqpərvər yerli sakinlər qarşılayır.

2008-ci il istehsalı olan bu fransız komediya filminin rejissoru Deni Bundur. Baş rolları Deni Bun ilə yanaşı Kad Merad, Ann Mariven və Zoe Feliks canlandırıblar.