Con Kyu

Sadə fabrik işçisi Con Arçibald bütün həyatını ailəsinə — həyat yoldaşı Denizə və oğlu Maykla həsr edib. Gözlənilmədən uşaq ağır xəstəliklə xəstəxanaya düşür və onun yaşaması üçün təcili ürək köçürülməsi tələb olunur. Ailənin bu cür bahalı tibbi əməliyyat üçün heç bir vəsaiti yoxdur.

Övladını xilas etmək naminə çarəsiz qalan ata son dərəcə riskli bir addım atır. O, həkimləri oğlunu əməliyyat etməyə məcbur etmək üçün xəstəxana işçilərini girov götürür. «Con Kyu» filmi çıxılmaz vəziyyətdə qalan bir atanın mübarizəsindən bəhs edir.

ABŞ istehsalı olan bu dramatik trilleri 2002-ci ildə rejissor Nik Kassavetis çəkib. Baş rolları Denzel Vaşinqton, Ceyms Vuds, Enn Heç və Robert Düval canlandırıblar.