Döyüş klubu

Sığorta şirkətinin əməkdaşı uzun müddətdir yuxusuzluqdan əziyyət çəkir və darıxdırıcı gündəlik həyatından bezib. Növbəti iş səfərlərinin birində o, sabun satışı ilə məşğul olan Tayler Dördön adlı qeyri-adi bir şəxslə tanış olur. Yeni tanışı hesab edir ki, insanın əsl azadlığı özünü inkişaf etdirməkdə deyil, dağıdıcılıqda gizlənir.

Bir gün pivəxananın qarşısında başlayan təsadüfi əlbəyaxa dava onların hər ikisinə daxili rahatlıq gətirir. Qısa müddətdə bu təcrübəni başqaları ilə bölüşmək qərarına gələn dostlar gizli bir dərnək yaradırlar. Tədricən bu gizli məkan fiziki ağrı vasitəsilə rahatlıq tapan çoxsaylı kişilərin toplaşdığı mərkəzə çevrilir.

«Döyüş klubu» filmi 1999-cu ildə rejissor Devid Finçer tərəfindən ekranlaşdırılıb. ABŞ və Almaniya istehsalı olan bu dramatik trillerdə baş rolları Edvard Norton, Bred Pitt və Helena Bonem Karter canlandırıblar.