Sövdələşmə

Lyu gəlir gətirməyən və borca düşən turizm agentliyini satmağa çalışır. Lakin naməlum şəraitdə işçilərindən birinin komaya düşməsi onun işlərini alt-üst edir. Zərərçəkənin qohumları baş verənlərə görə sahibkardan külli miqdarda təzminat tələb etməyə başlayırlar.

Çətinliklər təkcə Lyudan yan keçmir. Onun orta məktəbdə müəllim işləyən keçmiş arvadı Tao Sin nikahı təxirə salan sevgilisi ilə münasibətlərində qeyri-müəyyənlik yaşayır və onun yeniyetmə qızı ilə yola getmir. Bu ərəfədə gələcək hədəfləri hələ bəlli olmayan gənc oğulları İfan isə qanunsuz küçə yarışları ilə məşğul olan dəstəyə qoşulur.

«Ji feng wan lai» kriminal filmi 2021-ci ildə Çində istehsal olunub. Rejissor Qi Wang tərəfindən çəkilən ekran əsərində baş rolları Tszyan Tsimin, Dong Qing Su, Qi Zhang və Lu Zhang canlandırıblar.