Smit

Özəl xəfiyyə Ey Cey Smit eyni tipli korporativ araşdırmalardan artıq bezib və daha ciddi bir iş axtarışındadır. Çox keçmir ki, onun yanına bir qadın müraciət edir. Müştəri cinayətkar aləmlə əlaqəsi olduğundan şübhələndiyi ərini gizlicə izləməyi xahiş edir. Hədəf isə adi biri deyil, şəhərin dairə prokurorudur.

Nüfuzlu vəzifəli şəxsi izləməyin böyük təhlükə yaratdığını bilən Smit əvvəlcə bu təklif qarşısında tərəddüd edir. Lakin ardınca baş verən narahatedici hadisələr xəfiyyəni təhqiqata başlamağa məcbur edir. Beləliklə, o, prokurorun qaranlıq əməllərini üzə çıxarmaq üçün təhlükəli prosesə qoşulur.

ABŞ istehsalı olan «Smith» kriminal filmi 2020-ci ildə işıq üzü görüb. Ekran əsərinin rejissoru Jaron Lockridge-dir. Baş rolları Bazz Blekbern, Qrae Marino, Cazz Kouplend və Lanny Poteet canlandırıblar.