Aşpaz, oğru, onun arvadı və qadının sevgilisi

Cinayətkar qruplaşmanın rəhbəri hər axşam əlaltıları və həyat yoldaşı ilə birlikdə özünə məxsus fransız restoranına toplaşır. Ərinin amansız davranışlarından və davamlı təhqirlərindən təngə gələn qadın çıxış yolunu axtarır.

Restoranın digər ziyarətçilərindən biri ilə yaxınlaşan qadın onunla gizli münasibət qurur. Onların bu xəlvəti görüşləri isə məkanın baş aşpazının səssiz razılığı və yardımı ilə elə oradaca davam edir.

1989-cu il istehsalı olan «The Cook, the Thief, His Wife & Her Lover» filmi Böyük Britaniya, Fransa və Niderlandın birgə layihəsidir. Rejissor Piter Qrinueyin çəkdiyi bu dram filmində baş rolları Helen Mirren, Maykl Qembon, Rişar Borinje və Alan Hovard canlandırıb.