Filth

Edinburq polisində xəfiyyə-serjant vəzifəsində çalışan Bryus Robertson müfəttiş rütbəsi almağa can atır. Şöbə rəisi Bob Toal yeraltı keçiddə yaponiyalı tələbənin qətlə yetirilməsi işinin araşdırılmasını ona tapşıranda Bryus üçün çoxdan gözlədiyi fürsət yaranır. Lakin həmin vakant vəzifəyə onun digər şöbə yoldaşları da iddia edirlər.

Bryus arzusuna çatmaq üçün qarşısına çıxan həmkarlarını aradan qaldırmaq yolunu seçir. Öz rəqiblərini sıradan çıxarmaqdan ötrü hər cür üsula əl atan Robertson digər polisləri tələyə salır və onları gözdən salmağa çalışır.

2013-cü ildə ekranlara çıxan «Filth» filminin rejissoru Con S. Berddir. Böyük Britaniya, ABŞ, Almaniya, İsveç və Belçikanın birgə istehsalı olan bu kriminal dram və komediyada əsas rolları Ceyms Makevoy, Ceymi Bell, Eddi Marsan və Cim Brodbent canlandırıblar.