Xanımlar Rikki Bahla qarşı

Rayna Parulekarın uğurlu karyerası cəlbedici bir fırıldaqçı ilə qarşılaşdıqdan sonra alt-üst olur. Fırıldaqçı onun şirkətini on iki milyon ziyana salır, televiziya xəbərləri isə bu hadisəni bütün Hindistana yayır. Lakin bu qalmaqal sayəsində eyni şəxs tərəfindən aldadılmış Dimpl və Sayra adlı digər qızlar Rayna ilə əlaqə saxlayırlar.

Zərərçəkən üç qadın birləşərək ortaq düşmənlərindən qisas almaq və mənimsənilən pulları geri qaytarmaq qərarına gəlirlər. Onlar kələkbazı tələyə salmaq üçün zəngin qız obrazında yeni bir qurban uydururlar. Bu hiyləgər rolu canlandırmaq üçün istənilən adamı aldada bilən çox bacarıqlı və fəndgir bir gənc qız işə götürülür.

«Ladies vs. Ricky Bahl» filmi 2011-ci ildə Hindistanda çəkilib. Kriminal komediya və melodram janrındakı ekran əsərinin rejissoru Maneesh Sharmadır. Baş rollarda Ranveer Singh, Anushka Sharma, Parineeti Chopra və Dipannita Sharma çəkiliblər.