Kiçik müştəri

On yaşlı Da-bin və yeddi yaşlı qardaşı Min-cun analarını körpə yaşlarında itirdikləri üçün onu xatırlamırlar. Atalarının evə gətirdiyi yeni qadın uşaqların sevincini tezliklə kabusa çevirir. Amansız ögey ana ən kiçik səbəbdən belə bacı-qardaşa əl qaldırır və onları mütəmadi olaraq incidirlər.

Böyüklərə inamını itirən uşaqlar təsadüfən sosial xidmət işçisi Çon-yop ilə tanış olur və ona sığınmağa başlayırlar. Da-bin və Min-cun hər gün onun iş yerinə baş çəkir, ondan şəfqət görürlər. Lakin Çon-yopun ən böyük arzusu Seulda nüfuzlu vəkil bürosunda çalışmaqdır və o, çox keçmədən arzuladığı şirkətə qəbul xəbərini alır.

Cinayət mövzulu «Kiçik müştəri» dram filmini rejissor Çan Qyu-son ərsəyə gətirib. Cənubi Koreya istehsalı olan bu ekran əsəri 2019-cu ildə təqdim edilib. Əsas obrazları Li Don-hvi, Çhve Myon-bin, Yu Son və Li Cu-von canlandırıblar.