Sevginin fəsadları

Titta di Cirolamo artıq səkkiz ildir ki, İsveçrənin Luqano şəhərindəki otellərdən birində qalır. Onun günləri tam bir tənhalıq içində, dəyişməz qaydalar və sükutla keçir. O, bu darıxdırıcı və monoton gedişatın nə vaxtsa pozulacağını gözləməkdə davam edir.

Özünə qoyduğu bütün sərt qadağaları kənara qoyan qəhrəman gözlənilməz addım atır. O, otelin barında çalışan Sofiya adlı qadınla söhbətə başlayır. Bir neçə kəlməlik bu ünsiyyət onun illərlə qoruduğu nizamı dərhal alt-üst edir.

«Le conseguenze dell'amore» adlı kriminal dram filmini 2004-cü ildə İtaliya istehsalı olaraq rejissor Paolo Sorrentino ərsəyə gətirib. Ekran əsərində baş rolları Toni Servillo, Olivia Manyani, Adriano Cannini və Antonio Ballerio canlandırıb.