Gecə xəbərçisi

İş axtarışında olan Lui Blum heç cür sabit qazanc tapa bilmir. Yolda avtomobil qəzasını lentə alan sərbəst operatorları gördükdən sonra o da bu sahədə bəxtini sınamaq istəyir. Qanunsuz yolla əldə etdiyi velosipedi kameraya dəyişən Lui oğurluq hadisəsinin nəticələrini qeydə alaraq yerli televiziya kanalına satır.

Xəbərlər direktoru Nina onun təqdim etdiyi görüntüləri alır və gənci çəkilişləri davam etdirməyə həvəsləndirir. Bu sahəyə sürətlə bağlanan Lui ən səs-küylü və qanlı hadisələrin arxasınca düşür. Çox keçmədən dəyərli kadrlar naminə onun qarşısına çıxan heç bir maneəni tanımayacağı aydınlaşır.

«Nightcrawler» kriminal trillerinin rejissoru Den Qilroydur. ABŞ istehsalı olan 2013-cü il filmində baş rolları Ceyk Cillenhol, Rene Russo, Riz Əhməd və Bill Pekston canlandırıb.