11:14

Midlton adlı kiçik şəhərin kənarındakı gecə magistralında yüksək sürətlə avtomobil hərəkət edir. Sükan arxasındakı sərxoş gənc gur musiqi sədaları altında telefonla danışarkən gözlənilmədən maşının ön şüşəsinə insan cəsədi çırpılır. Həmin an saat dəqiq 11:14-ü göstərir.

Bu qəza şəhər sakinlərinin bir-biri ilə kəsişən qəribə və təhlükəli macəralarının başlanğıcına çevrilir. Fərqli insanların həyatı həmin kritik dəqiqədə qovuşur. Hadisənin iştirakçıları növbəti anlarda baş verənlərin izini itirməyə və vəziyyətdən çıxış yolu tapmağa çalışırlar.

«11:14» kriminal triller filmi 2003-cü ildə rejissor Qreq Marks tərəfindən ABŞ və Kanadanın birgə istehsalı kimi çəkilib. Ekran əsərində baş rolları Reyçel Li Kuk, Hilari Suenk, Patrik Sueyzi və Barbara Herşi canlandırıblar.