Narkokuryer

Yaşlı Erl Stoun çətin günlər keçirir. Şəxsi biznesi iflas ərəfəsindədir, həyat yoldaşı ilə münasibətləri pozulub, övladları isə onun varlığını demək olar ki, unudublar. Həyatının bu mərhələsində ona sadəcə avtomobil sürməyi tələb edən, zahirən rahat və gəlirli bir iş təklif olunur.

Stoun bu təklifi qəbul edir, lakin çox keçmədən işin əsl mahiyyəti üzə çıxır. Məlum olur ki, qoca sürücü Meksika narkokartelinin kuryerinə çevrilib və təhlükəli yükləri daşımağa başlayıb.

ABŞ və Kanada istehsalı olan «The Mule» filmi 2018-ci ildə ekranlara çıxıb. Kriminal dram janrındakı bu trillerin rejissoru və baş rol ifaçısı Klint Istvuddur. Ekran əsərində həmçinin Bredli Kuper, Lorens Fişborn və Maykl Penya çəkiliblər.