Zəhlətökən

Təcrübəli muzdlu qatil Ralf Milan Monpelye şəhərinə xüsusi bir tapşırıq üçün gəlir. O, məhkəmədə mafiya başçılarına qarşı ifadə verməyə hazırlaşan Lui Randonini aradan qaldırmalıdır. Hər şeyi soyuqqanlıqla və dəqiqliklə həyata keçirməyə öyrəşmiş peşəkar, məhkəmə binasının qarşısındakı oteldə otaq götürür.

Lakin qatilin diqqətlə qurduğu plan qonşu otaqda qalan Fransua Pinyon səbəbindən pozulur. Həyat yoldaşının onu tərk etməsi ilə barışa bilməyən bu bəxtsiz və bezdirici adam ard-arda axmaq hərəkətlər edir. Pinyonun intihar cəhdləri və bitmək bilməyən şikayətləri otel işçilərinin diqqətini çəkir, Milanın isə dəmir əsəblərini sınağa çəkir.

«Zəhlətökən» komediyası 1973-cü ildə Fransa və İtaliya kinematoqrafçıları tərəfindən çəkilib. Rejissor Eduar Molinaronun çəkdiyi bu filmdə baş rolları Lino Ventura, Jak Brel, Karolin Selye və Jan-Pyer Darras canlandırıblar.