Ovçunun gecəsi

Balaca Con və bacısı Perl atalarının törətdiyi soyğun və qətllərə görə polis tərəfindən həbs edildiyinin şahidi olurlar. Edam cəzasına məhkum edilən ata ələ keçirdiyi pulları gizlədir və uşaqlardan bu sirri heç kimə, hətta analarına belə açmayacaqlarına dair söz alır. Həbsxanada onunla eyni kamerada qalan və özünü din xadimi kimi təqdim edən Harri Pauell bu var-dövlətin varlığından xəbər tutur.

Əslində isə barmaqlarında sevgi və nifrət sözləri yazılmış Harri dindən pərdə kimi istifadə edən amansız bir qatildir. Gizlədilmiş məbləği ələ keçirmək istəyən yalançı vaiz azadlığa çıxdıqdan sonra uşaqların sadəlövh anası ilə evlənir. Con və Perl təhlükəli ögey atalarının əsl niyyətini anlayaraq atalarının gizlətdiyi sirri qorumaq məcburiyyətində qalırlar.

«The Night of the Hunter» filmi 1955-ci ildə ABŞ-da rejissor Çarlz Loton tərəfindən ekranlaşdırılmışdır. Bu triller və kriminallı dram janrındakı ekran əsərində baş rolları Robert Mitçem, Şelli Uinters, Billi Çepin və Salli Ceyn Brüs canlandırıblar.