Henrinin kitabı

On bir yaşlı Henri iti zəkası və yetkin düşüncəsi ilə yaşıdlarından tamamilə fərqlənir. O, sadə bir qəsəbədə anasının maliyyə işlərini tənzimləyir və kiçik qardaşının qayğısına qalır. Hadisələri qabaqcadan hesablamağı bacaran Henri qonşuluqda yaşayan və polis olan ögey atasının zorakılığına məruz qalan həmyaşıdına kömək etmək istəyir.

Məktəb müəllimlərinə, qəyyumluq orqanlarına və polisə edilən müraciətlər nəticəsiz qalır. Özü tədbir görmək qərarına gələn Henri gözlənilmədən ağır xəstəliyə tutulur və planını təkbaşına həyata keçirə bilmir. O, qonşu qızı qorumaq üçün bütün təlimatları dəftərə qeyd edərək anasına təhvil verir.

«The Book of Henry» filminin rejissoru Kolin Trevorroudur. 2017-ci ildə ABŞ-da çəkilmiş bu triller dramında baş rolları Naomi Uotts, Ceyden Martell, Ceykob Trembley və Sara Silverman canlandırıb.