Poletta

Qocaldıqca xasiyyəti daha da pisləşən yaşlı qadın ətrafındakı hər kəsə nifrət bəsləyir. O, səs-küy salan və zibilləri hara gəldi atan qonşulardan zəhləsi getdiyi kimi, qızının qaradərili polislə evliliyindən doğulmuş nəvəsini də sevmir və ona lağlağı ləqəb qoyur.

Borclar ucbatından sosial xidmət əməkdaşları onun əmlakını siyahıya almağa başlayanda qadın çıxış yolunu qeyri-adi üsulda tapır. «Paulette» filmində təqaüdçü qadın məhəllənin narkotik alverçilərinin yanına gedərək özünü işçi kimi təklif edir və təəccüb içində qalan cinayətkarları əməkdaşlığa razı salır.

2012-ci ildə Fransada istehsal olunmuş filmin rejissoru Jerom Enrikodur. Baş rolu Bernadett Lafon ifa edib, digər mühüm obrazları isə Karmen Maura, Dominik Lavanan və Fransuaza Berten canlandırıblar.