Sevginin acısı

Cek lüks otellərdə soyğunçuluq və müxtəlif fırıldaqlarla pul qazanan xırda cinayətkardır. Kler isə Nyu-Yorkda biologiya fakültəsində təhsil alır və kinoteatrda çalışaraq dolanır. Tamamilə fərqli həyatlar yaşayan bu iki gəncin yolları gözlənilmədən kəsişir.

İlk baxışdan aralarında güclü romantik duyğular və qarşısıalınmaz bir bağlılıq yaranır. Lakin Cekin təhlükəli keçmişi və qanunsuz əməlləri bu sevgini zəhərləməyə başlayır. Nəticədə oğlan Kleri də özü ilə birlikdə cinayətkar həyatın uçurumuna doğru sürükləyir.

«Love the Hard Way» dram filminin rejissoru Peter Sehrdir. ABŞ və Almaniya istehsalı olan bu film 2001-ci ildə işıq üzü görüb. Ekran əsərində baş rolları Edrian Broudi, Şarlotta Ayanna, Con Seda və Avqust Dil canlandırıblar.