Sex Traffic

Moldovadan olan Yelena və Varya adlı iki bacı tanışlarının Londonda çoxlu pul qazanmaq vədinə inanırlar. Lakin bu səfər gözlənilməz faciə ilə nəticələnir: qızlar satılır və Sarayevodakı əxlaqsızlıq yuvalarından birinə düşürlər. Eyni vaxtda britaniyalı jurnalist Daniel Epplton insan alveri ilə məşğul olan cinayətkar şəbəkənin izinə düşərək onları ifşa etməyə çalışır.

Hadisələr beynəlxalq səviyyədə daha da gərginləşir. Gənc zabit Kallum Teyt bordeldən 17 yaşlı Anya Petrianı xilas etmək istəyərkən Bosniyadakı bir çox amerikalı hərbçinin bu qanunsuz ticarətlə məşğul olduğunu öyrənir. Əldə etdiyi faktlardan istifadə edən zabit ABŞ-ın beynəlxalq polis rəhbəri və nəhəng «Kernvell» korporasiyasının sahibi Tom Harlsburqu şantaj etməyə başlayır.

«Sex Traffic» filmi 2004-cü ildə rejissor Devid Yeyts tərəfindən ekranlaşdırılıb. Böyük Britaniya və Kanadanın birgə istehsalı olan bu kriminal dramda baş rolları Len Kariu, Mori Çaykin, Lyuk Kirbi və Robert Coy canlandırıb.