Apkkujeong

2007-ci ildə Seulun Apqucon rayonunda Kan De-quku tanımayan yoxdur. Dəqiq bir sənəti olmasa da, güclü xarizması, geniş əlaqələri və istənilən problemi yoluna qoymaq bacarığı var. Günlərin birində o, istedadlı plastik cərrah Pak Ci-u ilə qarşılaşır. Həkim şərikinin xəyanəti üzündən klinikasını, tibbi lisenziyasını itirib və böyük borca düşüb.

Estetik təbabət sahəsinə çoxdandır maraq göstərən De-quk bu vəziyyətdə böyük imkan görür. O, həkimin borclu olduğu cinayətkarlarla danışıb möhlət alır, Ci-unun lisenziyasını bərpa edir və ona şərikli biznes qurmağı təklif edir. Beləliklə, iki fərqli xarakterə malik tərəfdaş gözəllik sənayesində birgə fəaliyyətə başlayır.

Cənubi Koreya istehsalı olan «Apkkujeong» kriminal komediya filmi 2022-ci ildə nümayiş olunub. Ekran əsərinin rejissoru Lim Cin-sundur. Baş rolları Ma Don-sok, Con Qyon-ho, O Na-ra və Çhve Byon-mo canlandırıb.