Güllələr, yoxsa bülletenlər

Prinsipial komissar Maklaren polis sıralarını cinayətkarlarla əlbir olan xainlərdən təmizləmək qərarına gəlir. Həmin vaxt sabiq polis Bleyk nüfuzlu cinayətkar Kryuqerin gözü qarşısında keçmiş dostu ilə əlbəyaxa davaya çıxır. Nyu-Yorkun qaranlıq tərəflərini yaxşı bilən Bleyk çoxdandır Kryuqerin diqqət mərkəzindədir və sonda o, mafiya başçısının əməkdaşlıq təklifi ilə razılaşır.

Kryuqerin sağ əli olan Nik Fenner isə Bleykin dəstəyə qoşulmasından narahatdır və onun xəbərçi olduğundan şübhələnir. Eyni zamanda komissar Maklaren cinayətkar şəbəkələrə qarşı geniş mübarizəyə başlayır və bu təhqiqatın izləri yüksək siyasi kabinetlərə qədər uzanır.

1936-cı ildə ekranlara çıxan «Bullets or Ballots» adlı kriminal filmin rejissoru Uilyam Kilidir. Baş rolları Edvard Q. Robinson, Coan Blondell, Barton MakLeyn və Hamfri Boqart canlandırıblar.