Mean Streets

Nyu-Yorkun Kiçik İtaliya məhəlləsində yaşayan Çarli öz restoranına sahib olmaq arzusundadır. Bu məqsədə çatmaq üçün o, yerli mafiya başçısı olan varlı əmisinin etimadını qazanmalı və cəmiyyət içində mötəbər bir insan kimi davranmalıdır.

Lakin gəncin bütün planları yaxın dostu Conni Boyun təhlükəli hərəkətləri ucbatından risk altına düşür. Məsuliyyətsiz dost poçt qutularını qarət edir və borc verənlərdən qaytarmayacağı pullar alaraq problemlər yaradır. Çarli isə əmisinin gözündəki mövqeyini qorumaqla dostunu düşdüyü bəlalardan xilas etmək arasında qalır.

ABŞ istehsalı olan «Mean Streets» filmi 1973-cü ildə ekranlara çıxıb. Əsərin rejissoru Martin Skorsezedir, baş rolları isə Harvi Keytel, Robert De Niro, Devid Proval və Emi Robinson canlandırıb.