Mad

Arkanzasda, Missisipi çayı sahilində valideynləri ilə birgə yaşayan on dörd yaşlı Ellis asudə vaxtını dostu Nekbounla çay boyu gəzintilərdə keçirir. Günlərin bir günü onlar kimsəsiz adada böyük daşqından sonra hündür ağacın budaqlarında ilişib qalmış qayıq aşkar edirlər.

Yeniyetmələr tapdıqları qayığı özlərinə gizli sığınacaq etmək istəsələr də, orada başqa birinin məskunlaşdığı məlum olur. Qayıqda yaşayan bu şəxs bədənində ilan döyməsi olan, kimdənsə qorunub gizlənən və kiminləsə görüşməyi gözləyən Mad adlı sirli bir adamdır.

2012-ci ildə ABŞ-da istehsal olunmuş «Mud» kriminal dram filminin rejissoru Ceff Nikolsdur. Ekran əsərində baş rolları Metyu Makkonahi, Tay Şeridan, Ceykob Loflend və Sem Şepard canlandırıblar.