Həmişə burada olan şeytan

İkinci Dünya müharibəsindən qayıdan Uillard Rassel kafedə çalışan Şarlottaya vurulur. Həmin məkanda həvəskar fotoqraf Karl ilə ofisiant Sendi də tanış olur. Anası Uillardı yetim qız Helen ilə evləndirmək istəsə də, gənc Şarlottanı seçir və onların Arvin adlı oğulları dünyaya gəlir. Helen isə vaiz Royun təsirinə düşərək onunla ailə qurur və Lenora adlı qız övladı dünyaya gətirir.

Çox keçmədən hər iki ailə ard-arda baş verən faciələrlə üzləşir. Valideynsiz qalan uşaqlar Uillardın anasının evində bir yerdə böyüyərək ögey bacı-qardaşa çevrilirlər. Yeniyetməlik dövrünə çatan Arvin və Lenora keçmişin qaranlıq izləri ilə yanaşı, ətrafdakı təhlükəli adamlarla da qarşılaşmalı olurlar.

«The Devil All the Time» filmi 2020-ci ildə amerikalı rejissor Antonio Kampos tərəfindən çəkilib. Kriminal dram janrında olan bu ekran əsərində baş rolları Tom Holland, Bill Skarsqard, Rayli Kio və Donald Rey Pollok canlandırıblar.