Hüceyrə

Təxminən on gənc qadının ölümünə bais olan qatil komaya düşür və sonuncu qurbanının saxlandığı yeri gizli saxlayır. Hələ də sağ qalma ehtimalı olan bu qızı vaxtında xilas etmək üçün xüsusi xidmət orqanları qeyri-adi üsula əl atır. Bir qadın psixiatr qatilin daxili aləminə daxil olmaq tapşırığını qəbul edir.

Mütəxəssis həkim manyakın təhtəlşüurunun ən qaranlıq künclərində gizlənən işgəncə otağının yerini öyrənməlidir. Amma psixopatın daxili dünyasında addımlamaq onun təhlükəli xülyaları ilə üz-üzə qalmaq deməkdir. Vaxt azaldıqca həmin qorxulu aləmdən sağ qayıtmaq və gizli məkanı tapmaq daha da çətinləşir.

«Hüceyrə» filmi rejissor Tarsem Sinqx tərəfindən ekranlaşdırılıb. ABŞ və Almaniyanın birgə istehsalı olan bu psixoloji triller 2000-ci ildə işıq üzü görüb. Baş rolları Cennifer Lopes, Vins Von, Vinsent D'Onofrio və Mariann Jan-Batist canlandırıblar.