Entoni Zimmer

İnterpol rus mafiyası üçün çirkli pulların yuyulması ilə məşğul olan hiyləgər fırıldaqçı Entoni Zimmeri axtarır. Cinayətkar plastik əməliyyat vasitəsilə simasını büsbütün dəyişdiyi üçün onu tanımaq qeyri-mümkün hala gəlib. Zimmeri tapmaq üçün əldə olan yeganə ipucu isə onun sevgilisi, cazibədar Kiaradır.

Nəzarət altında olduğunu anlayan Kiara təqibçiləri çaşdırmaq qərarına gəlir. O, qatarda zahirən Zimmerə bənzəyən sadəlövh Fransua ilə tanış olaraq diqqəti onun üzərinə çəkir. Beləliklə, heç nədən xəbəri olmayan bu təsadüfi yolçu həm xüsusi xidmət orqanlarının, həm də cinayətkar qruplaşmaların hədəfinə çevrilir.

«Entoni Zimmer» filmi 2005-ci ildə Fransada rejissor Jerom Sall tərəfindən çəkilib. Baş rolları Sofi Marso, İvan Attal, Sami Fre və Jil Lelluş canlandırıblar.