Gizli sevgi

İki fərqli insanın yolları milis şöbəsində kəsişir. Həbsdən yenicə azadlığa buraxılan Pavel Uqryumov qeydiyyata durmaq məqsədilə idarəyə gəlir. Həmin vaxt gənc müəllimə Kseniya Veselova da eyni yerə üz tutur; kommunal mənzildəki qonşusu onun əşyalarını oğurlamağa adət edib və axırıncı dəfə vacib məlumatların olduğu yaddaş kartını mənimsəyib.

Hüquq-mühafizə orqanlarının işinə bələd olmayan Kseniya dəhlizdə oturan bu kədərli şəxsi əməliyyat müvəkkili zənn edir və dərdini ona danışır. Pavel qızın xoşuna gəldiyini görüb həqiqəti gizlətməyə qərar verir. Beləliklə, o, heç nəyi təkzib etmədən kömək etməyə razılaşır.

«Gizli sevgi» (Lyubov pod prikrytiem) adlı kriminal melodram filmi rejissor Aleksandr Baranov tərəfindən 2010-cu ildə Rusiyada çəkilib. Ekran əsərində baş rolları Denis Nikiforov, Olqa Krasko, İqor Savoçkin və Yelena Dubrovskaya canlandırır.