Onun adı yoxdur

Hadisələr 1940-cı illərdə, yapon işğalı altındakı Şanxayda cərəyan edir. Qumar aludəçisi olan və ona mütəmadi olaraq şiddət göstərən ərinin parçalanmış cəsədinin yanında tapılan Zhan Zhoushi qətli törətdiyini etiraf edir. Gənc qadın dərhal həbs olunur və ağır cinayətdə ittiham edilir.

Lakin qətlin dəhşətli xırdalıqları həm hüquq-mühafizə orqanlarında, həm də mətbuatda böyük şübhələr doğurur. Zərif bir qadının təkbaşına belə vəhşilik törədə biləcəyinə inanmayan ictimaiyyət diqqətini bu prosesə yönəldir. Hadisənin əsl səbəbləri ətrafında böyük bir ajiotaj başlayır.

«Jiang yuan nong» adlı 2024-cü il istehsalı olan bu dram və triller filmini rejissor Peter Chan lentə alıb. Çin və Honq Konq istehsalı olan filmin əsas rollarında Zhang Ziyi, Lei Jiayin, Zhao Liying və Wang Chuanjun çəkiliblər.